അമ്മയും കള്ളും

പുളിച്ച കള്ളാണെനിക്കിഷ്ടം

അമ്മ കാണാതെ അച്ഛൻ തന്ന തെങ്ങിന്റെ കള്ള്

മണമടിച്ചാൽ അമ്മ പിണങ്ങിപോകും

കുസൃതിയാൽ അമ്മയെ ഇടക്കിടെ പിണക്കി

അമ്മ എന്നെന്നേക്കുമായ് പിണങ്ങിയപ്പോൾ

ഞാനെന്റെ കുടിയും നിർത്തി

അപ്പോൾ പ്രിയ കൂട്ടുകാരാ

എന്തിനായിരുന്നു ഇത്രയും നാളും ഞാൻ കുടിച്ചത്

ചെരുപ്പ്‌

അമ്പലത്തില്‍ കയറിയ എന്റെ പ്രാര്‍ഥനയില്‍ പുറത്തു വച്ചിരിക്കുന്ന പുതിയ ചെരുപ്പ്‌ ആരും അടിച്ചു മാറ്റി കൊണ്ടുപോകല്ലേ എന്നായിരുന്നു. വേറെ പ്രാര്‍ഥിക്കാന്‍ ഒന്നിനും സമയം കിട്ടിയുമില്ലതാനും, എങ്കില്‍ പിന്നെ എന്തിനു അമ്പലത്തില്‍ വന്നെന്നു ചോദിച്ചാല്‍ അതിനുത്തരമില്ലതാനും.